LOZAR - Winery & Vineyard

Производство

Произведувањето на вината од винарија Лозар објаснето во чекори. За повеќе кликнете на самиот чекор.

Винарска визба Лозар

Винарската визба Лозар, изградена во 1966, е една од најстарите винарски визби во Македонија.

Винаријата се простира по долината на реката Вардар (Повардарие), во велешкото виногорје. Изградена во француски стил, винаријата постојано се развива и модернизира. Винаријата достигнува годишно производство на 24.000.00 милиони литри вино и со тоа станува една од водечките компании во Македонија. Лозар е првенствено фокусирана на преработка на грозје, производство и продажба на вино и дестилирани пијалаци. Три главни бизнис сегменти се вино (црвено и бело), дестилирани пијалаци (вињак, ракија) и концентрат од грозје.

Винаријата Лозар е предводена од динамичен тим, составен од млади и амбициозни енолози, технолози, како и искусни произведувачи на вино, кои со помош на модерна технологија претставуваат идеален тим за создавање на високо квалитетно вино. Винаријата постојано се придржува до новата технологија и европските стандарди, и секогаш како приоритет го става квалитетот на производите. Винарија Лозар го има воведено системот за квалитет и безбедност на храна ISO 22000, како и HACCP системот.

ТЕРОАР

Лозјата се простираат долж реката Вардар и помеѓу високите планински венци кои доминираат од исток и запад. Климата е од медитеранска до континентална, со благи зими и топли лета. Врнежите во периодот на вегетација изнесуваат помеѓу 260 и 310 mm. Во текот на годината се појавуваат повремено, најмногу во доцната есен, зима и рана пролет. Виновите лозја се култивираат врз различни видови на почва, главно на дилувијална почва (рамно земјиште), чернозем, рензина, вертисол (брановидно земјиште) и само ретко на кафена и циметна почва (ридесто земјиште). 80% од лозјата се одгледуваат и 85% од виното се произведува во оваа област. Плодната почва и поволната клима кои се карактеризираат со суви субтропски лета и главно умерени зими, со континентални климатски влијанија, го овозможиле култивирањето на грозјето уште од дамнешни времиња.

41.14’

42.14’ N

Географска ширина

500

600 m

Надморска висина

> 25

> 40 ºC

(лето / 124 дена) Температура

460 l/m²

Врнежи - Годишно

Во процесот на производство на вино и алкохолни пијалоци, MM INVESTMENT DOO SKOPJE набавува грозје преработено во чиста и еколошка средина, со внимателно тестирани пестициди и вештачко ѓубриво.

ЕДЕН ОД ПОТРЕБНИТЕ ЧЕКОРИ за оваа цел е применувањето на Системот за контрола на квалитет и безбедност на храна во согласност со ISO 22000:2005 стандарди.

ВИНАРИЈАТА ЛОЗАР e насочена кон постојани подобрувања со цел да ги задоволи потребите на своите потрошувачи, а во исто време го зголемува и својот ланец на производство, широката експанзија на пазарот и воведувањето на нови технологии.